Grupi i parë i avionëve luftarakë F-16 të prodhimit amerikan ka mbërritur në Ukrainë, raportoi Bloomberg të mërkurën. Numri i avionëve luftarakë është “i vogël”, thanë burimeve në kushte anonimiteti. Kievi ende nuk ka komentuar mbi dorëzimin e raportuar.
Origjina e avionëve nuk është ende e qartë. Vitin e kaluar, një grup shtetesh të NATO-s, përfshirë Danimarkën, Holandën, Belgjikën, Kanadanë, Luksemburgun, Norvegjinë, Poloninë, Portugalinë, Rumaninë dhe Suedinë, formuan të ashtuquajturin “koalicioni F-16”. Më vonë atij iu bashkuan Greqia, SHBA-ja, Bullgaria dhe Franca.
Ndërsa disa vende, duke përfshirë Holandën dhe Danimarkën, u zotuan t’i sigurojnë Kievit përkatësisht 43 avionë nga stoqet e tyre, të tjera u zotuan për stërvitjen e pilotëve ukrainas.
Norvegjia gjithashtu ka deklaruar së fundmi se do dhurojë gjashtë avionë luftarakë për Kievin.
Sipas burimeve të cituara nga Bloomberg, afati i dorëzimit i caktuar për në fund të këtij muaji është “respektuar”. Më herët në korrik, qeveria holandeze në largim tha se të gjitha përgatitjet për dorëzimin e F-16 kishin përfunduar dhe transferimi do ndodhte “së shpejti”.
Është e paqartë nëse pilotët ukrainas të stërvitur nga vendet perëndimorë mund t’i përdorin menjëherë avionët luftarakë, vuri në dukje Bloomberg.
Një zëdhënëse e Ministrisë së Mbrojtjes të Ukrainës, Diana Davityan, nuk pranoi të komentojë mbi këtë çështje kur u pyet nga media.
Javën e kaluar, komandanti i lartë ushtarak i Kievit, Gjeneralkoloneli Aleksandr Syrsky, pranoi për The Guardian se ushtria ukrainase do duhet të kufizojë përdorimin e F-16 për të shmangur që ato të rrëzohen nga forcat ruse.
Moska ka “aviacion superior” dhe mbrojtje ajrore “shumë të fortë”, tha gjenerali asokohe, duke shtuar se avioni i prodhuar në SHBA do duhej të qëndronte dhjetëra kilometra larg vijave të frontit për të shmangur rrezikun serioz.
