Një mercenar i kompanisë ushtarake private ruse “Wagner” ka zgjedhur vdekjen në vend të kapjes, duke sulmuar militantët Tuareg me gur, tregon një video tronditëse që qarkullon në internet.
Një kolonë ushtarake që transportonte mercenarë të “Wagner” dhe ushtarëve të Malit thuhet se u zu në pritë javën e kaluar në afërsi të fshatit Tinzaëaten, afër kufirit të vendit me Algjerinë. Kryengritësit Tuareg vranë dhjetëra syresh, duke marrë disa të tjerë peng, sugjerojnë raportet e pakonfirmuara të mediave dhe videot e paverifikuara që qarkullojnë në internet.
Një nga luftëtarët, që supozohet të jetë anëtar i “Wagner”, u përpoq të kamuflohej duke u shtirur si i vdekur ndërkohë që kryengritësit po e shkelmonin. Siç tregohet në video, ai më pas çohet befas dhe përpiqet të mbrohet duke gjuajtur me gurë para se të qëlllohet me armë.
Gjatë pritës, militantët shkatërruan shumë kamionë të blinduar brenda kolonës, sugjerojnë pamjet që qarkullojnë në internet. Të paktën një helikopter sulmues ushtarak, i cili u përpoq të siguronte mbrojtje për kolonën në pritë, u qëllua nga toka dhe u detyrua të bënte një ulje emergjente të ashpër.
Një bloger i shquar ushtarak rus, Nikita Fedyanin, i njohur me pseudonimin “Beliy” (“E bardha”), besohet të jetë në mesin e të vrarëve gjatë sulmit. Fedyanin ka redaktuar kanalin Telegram GRAY ZONE, i cili besohet të jetë i lidhur me “Wagner”.
”Wagner” besohet të jetë përfshirë në përleshjet e fundit midis ushtrisë së Malit dhe kryengritësve Tuareg pranë kufirit me Algjerinë, ku ka ofruar mbështetje për trupat qeveritare.
