Një vatër zjarri ka rënë sot rrëzë malit të Gjallicës.
Forcat e zjarrëfikes kanë shkuar në vendngjarje dhe po punojnë për shuarjen e flakëve, pasi era e fortë ka favorizuar që flakët të përhapen me shpejtësi në një sipërfaqe të madhe të malit.
Ende nuk dihen shkaqet e zjarrit.
Edhe në fshatin Valas të Elbasanit është shfaqur gjithashtu një vatër zjarri rreth orës 11:30, e cila ka marrë përmasa shumë të mëdha më pas.
Situata është kthyer në problematike, pasi flakët kanë përfshirë sipërfaqe të konsiderueshme me ferra e shkurre si edhe disa hektarë me ullishta të reja dhe masive me drurë frutorë.
Në vendngjarje kanë shkuar dhjetëra punonjës të shërbimit zjarrëfikës të Elbasanit dhe Cerrikut, të cilët po punojnë për izolimin dhe shuarjen e flakëve. Paraprakisht dyshohet që zjarrvënia ka qenë e qëllimshme.
