Numri i njerëzve të vrarë pas shembjes së një “mali” plehrash në kryeqytetin e Ugandës javën e kaluar është rritur në 35 me 12 prej tyre që ishin të rinj, tha policia vendase.
Të paktën 28 të tjerë janë ende të zhdukur.
Aksidenti ndodhi të premten e kaluar, kur një pjesë e madhe u shkëput nga grumbulli i plehrave në vendin e depozitimit Kiteezi në periferinë veriore të Kampalas. Dhjetra shtëpi pranë venditt të mbledhjes së plehrave u varrosën ndërsa banorët flinin.
Nëntë trupa të tjerë janë nxjerrë që nga e mërkura, kur u raportuan 26 të vdekur.
Rrëshqitja e dheut pasoi shira të rrëmbyeshëm që kanë goditur disa pjesë të vendit të Afrikës Lindore në javët e fundit, duke shkaktuar përmbytje dhe dëme të mëdha.
Banorët pranë vendit të depozitimit të mbeturinave, që ka shërbyer për dekada të tëra si vendi depoja i vetëm në Kampala, janë ankuar prej kohësh për mbetjet e rrezikshme që ndotin mjedisin dhe paraqesin rrezik.
Tragjedi të ngjashme gjetkë në Afrikë nga malet me plehra përfshijnë një incident të vitit 2017 në Etiopi, ku u vranë të paktën 115 njerëz.
