Kandidati republikan për president të SHBA-së, Donald Trump, ka thënë se do mbështesë qeverinë izraelite në luftën e saj kundër grupit militant palestinez Hamas, nëse ai rimerr Shtëpinë e Bardhë në nëntor.
Ish-presidenti, i cili po fliste në një konferencë shtypi të enjten në klubin e tij të golfit në Bedminster, Neë Jersey, sulmoi kundërshtaren e tij demokrate, Kamala Harris, se “gjithmonë kërkon armëpushim”.
“Kur të kthehem në Zyrën Ovale, do mbështes të drejtën e Izraelit për të fituar luftën e tij kundër terrorit. Ata duhet të kenë të drejtën për të fituar luftën,” tha ai.
Nëse Harris fiton zgjedhjet, “flamuri i majtë radikal dhe simpatizantët e Hamasit jo vetëm do shkaktojnë kaos në rrugët tona, por do drejtojnë politikën e jashtme të SHBA-së dhe Izraeli do zhduket”, argumentoi Trump.
Ai shtoi më tej se do i jepte Izraelit mbështetjen që i duhet për të fituar, duke nënvizuar se dëshiron që ata të “fitojnë shpejt”.
Axios raportoi më herët, duke cituar burime, se Trump foli në telefon me Netanyahu të mërkurën dhe diskutoi marrëveshjen e pengjeve dhe armëpushimit të Gazës. Thirrja e Trump kishte për qëllim të nxiste inkurajonte Netanyahun të pranonte marrëveshjen, sipas një prej burimeve.
Zyra e kkryeministrit izraelit më vonë lëshoi një deklaratë duke mohuar se një telefonatë e tillë kishte ndodhur. Trump tha në një intervistë me Fox News muajin e kaluar se Izraeli duhet t’i japë fund luftës në Gaza sa më shpejt të jetë e mundur dhe të kthejë pengjet.
