Çiklistja polake arriti të mbante fanellën e verdhë në Alpe d’Huez, duke mposhtur kampionen në fuqi, Demi Vollering, në një garë shumë të ngushtë, që u bë më e afërta në historinë e Tour-it.
Ndërsa Vollering fitoi një etapë të paharrueshme, ajo nuk arriti të përmbysë Niewiadomën, e cila mbajti fanellën e verdhë për herë të parë në karrierën e saj.
Në ngjitjen përfundimtare në Alpe d’Huez, pesë çiklistë ishin në lojë për fitoren përfundimtare, me Niewiadomën që ndodhej nën presion të madh dhe tre të parët në klasifikimin e përgjithshëm të ndarë nga vetëm 10 sekonda ndërsa po afroheshin drejt finishit, përcjell The Guardian.
Sulmi i Vollering erdhi në majën e Col du Glandon, ngjitja parafundit, 55 kilometra larg finishit. Megjithëse Vollering udhëhoqi në zbritjen e gjatë, taktikat dhe objektivat e ndryshme e ngushtuan përsëri hendekun ndërsa grupi i ndjekësve iu afrua ngjitjes përfundimtare. Në fillim të ngjitjes, Vollering kishte vetëm 44 sekonda epërsi ndaj Niewiadomës.
Ndërsa ngjitja vazhdoi, ritmi i Vollering ngushtoi epërsinë e Niewiadomës në vetëm 10 sekonda. Por në tre kilometrat e fundit, Vollering filloi të humbiste fuqi, ndërsa Niewiadoma përshpejtoi deri në finish, duke fituar Tour-in për herë të parë në karrierën e saj.
