Dhjetëra qytetarë të zonës së Krujës kanë dalë sërish në protestë, për të kërkuar qasje në autostradën e re Thumanë-Kashar.
Edhe këtë të martë, protestuesit kanë bllokuar aksin rrugor, ndërsa kanë nisur edhe përplasjet e para me Policinë, të cilët kërkojnë të lirojnë qarkullimin në rrugë.
Një qytetar është gjakosur nga Policia, por kjo nuk e pengon atë që ta vijojë protestën. ‘Do të vazhdoj të protestoj, gjakosja nuk më ndal’.
Rruga Thumanë-Kashar aktualisht është e paaksesueshme nga qytetarët e rrethit të Krujës dhe bizneset në zonë.
