Makina e një punonjësi të bashkisë së Vaut të Dejës është djegur me bezinë në orët e para të mëngjesit. Mjetit tip “Ford Focus” në pronësi të 49-vjeçarit Gjon Marashi i është vënë flaka në oborrin e banesës në fshatin Pistull.
Sipas të dëmtuarit, djegia e makinës ka të bëjë me punën e tij në bashki, më saktësisht me çështjen e vaditjes së tokave në fshatrat e Vaut të Dejës, shkruan BW.
Ai ka deklaruar se nuk ka pasur më herët kërcënime të drejtpërdrejta por se ka pasur debate lidhur me vaditjen me banorët e fshatrave të ndryshëm ku ka qenë.
Flakët janë bënë nga një person i maskuar, i cili është larguer me shpejtësi pas vënies së zjarrit.
