Një 34-vjeçar është plagosur me thikë mbrëmjen e sotme në zonën e Astirit në Tiranë ku Amarildo Hoxhallari është goditurr me thikë.
Ngjarja e rëndë ka ndodhur rreth orës 18 e 45 ku ndërsa autori i dyshuar është arrestuar nga policia.
Në pranga ka përfunduar Darmian Keli ndërsa i plagosuri është dërguar në gjendje të rëndë në pitaline Traumës.
Njoftimi
“Plagosi me mjet prerës një shtetas, për motive të dobëta, identifikohet dhe shoqërohet në komisariat autori i dyshuar.
Shërbimet e Komisariatit të Policisë Nr. 6 dhe ato të Forcës së Posaçme “Shqiponja”, pas marrjes së njoftimit se në Unazë të Re, sot rreth orës 18:45, një shtetas kishte plagosur me mjet prerës, një 34-vjeçar, kanë organizuar menjëherë punën për kapjen e autorit dhe vënien e tij përpara përgjegjësisë ligjore.
Si rezultat i veprimeve të shpejta policore, u kap dhe u shoqërua në komisariat për veprime të mëtejshme procedurale shtetasi D. K., 25 vjeç, banues në Tiranë.
Nga veprimet hetimore dyshohet se shtetasi D. K., për motive të dobëta, ka plagosur me mjet prerës shtetasin A. H., 34 vjeç, i cili ndodhet në spital, nën kujdesin e mjekëve.
Vijon puna nga grupi hetimor për sqarimin e rrethanave të ngjarjes.”
