Presidenti i Shteteve të Bashkuara të Amerikës, Joe Biden, ka reaguar pas sulmeve të Hezbollah-ut, me grupin e Libanit që në orët e para të mëngjesit të sotëm lëshoi raketa ndaj Izraelit.
Biden ka urdhëruar zyrtarët të mbajnë komunikim të ngushtë me Izraelin, duke shtuar se do të vazhdojë të mbështesë të drejtën e Izraelit për t’u mbrojtur.
Lajmi konfirmohet për BBC nga një zëdhënës i sigurisë kombëtare të SHBA-së.
Pentagoni gjithashtu ka reaguar, duke deklaruar se SHBA është “e angazhuar për të mbështetur” mbrojtjen e Izraelit.
