Ju mund të ndaloni së qari fansa të Oasis – grupi britanik i rock-ut po ribashkohet për një turne botëror pas më shumë se një dekade grindjeje.
Turneu i ri, i vendosur të fillojë në korrik 2025, përputhet me 30-vjetorin e albumit të tyre më të shitur, “(What’s the Story) Morning Glory?”, i udhëhequr nga vëllezërit Liam dhe Noel Gallagher, që do ripublikojë albumin për të festuar përvjetorin.
Grupi do nisë një turne me 14 data në qytete në Britani dhe Irlandë, duke nisur me dy koncerte në Cardiff, Uells, sipas llogarisë zyrtare të Oasis në X. Më pas ata shkojnë në Angli për shfaqje në Mançester dhe Londër, duke luajtur nga katër shfaqje në secilin, përpara se të përfundojnë me një shfaqje në Edinburg, Skoci dhe Dublin në gusht. Biletat dalin në shitje të shtunën.
Turneu i ribashkimit nga vëllezërit Gallagher ishte një kthesë surprizë duke pasur parasysh se sa e trazuar ka qenë marrëdhënia e tyre që kur ata u shfaqën si një nga grupet përcaktuese të Britpop-it dhe rock-ut kryesor në vitet ’90.
Thashethemet për një rikthim të Oasis u shtuan pasi Times raportoi të shtunën se Oasis kishte caktuar datat për një shfaqje në stadiumin “Wembley”.
Liam Gallagher gjithashtu shtoi spekulimet në mediat sociale gjatë gjithë ditës të dielën. Kur u pyet nga një fans se kur do shpalleshin datat e turneut, Gallagher u përgjigj: “Të premten tjetër”.
Oasis u formua në vitin 1991 dhe arriti famën me albumin “Definitely Maybe” në vitin 1994, e cila përmbante këngën hit “Supersonic” dhe “(What’s the Story) Morning Glory?” e vitit 1995 që përfshinte edhe “Wonderwall”.
Ndërsa “Definitely Maybe” e bëri grupin të njohur në Mbretërinë e Bashkuar, “Morning Glory” i ktheu ata në një histori suksesi global, duke shitur më shumë se 22 milionë kopje në mbarë botën. Kënga e albumit “Ëonderëall” hyri në top 10 në Hot 100 të Billboard – kënga e vetme e grupit që e arriti këtë – dhe ishte gjithashtu një hit në Shtetet e Bashkuara.
Por grindjet dhe përplasjet e vëllezërve Gallagher zunë faqet e para të tabloideve britanike dhe ata u grindën publikisht me një grup tjetër Britpop, Blur. Liam dhe Noel të dy u shkëputënherë pas here nga grupi në kohë të ndryshme gjatë viteve, por në vitin 2009 ata u ndanë përfundimisht.
Oasis kishte qenë në një turne në disa qytete, kur Liam dhe Noel thuhet se u grindën në prapaskenë në festivalin Rock en Seine në Paris. (Ekranet në të dyja anët e skenës thuhet se konfirmuan një grindje.) Sipas raporteve të shumta, Liam dëmtoi një nga kitarat e Noelit në shfaqje. Largimi i Noel-it i detyroi ata të anulonin një pjesë të vogël të shfaqjeve në Britani dhe Shtetet e Bashkuara.
“Njerëzit do të shkruajnë dhe thonë atë që duan, por unë thjesht nuk mund të vijoja të punoja me Liam asnjë ditëmë shumë,” tha Noel në atë kohë, sipas BBC.
Liam dhe anëtarë të tjerë të grupit Oasis vijuan si grupi Beady Eye, ndërsa Noel doli i vetëm thjesht si Noel Gallagher’s High Flying Birds.
Marrëdhënia e tyre e prishur shpesh është përhapur në publik. Liam e quajti Noelin “një xhuxh i vogël i trishtuar” dhe “patate”. Ndërkohë, Noel tha: “Më pëlqeu mamaja ime derisa lindi Liam” dhe ka sugjeruar se vëllai i tij është një burrë i zemëruar ose, “një burrë me pirun në brez në një botë me supë”.
