Ushtria e Ukrainës kreu së fundmi testin e parë të suksesshëm të një rakete balistike të prodhuar në vend, tha presidenti ukrainas Volodymyr Zelenskyy.
“Ka pasur një test pozitiv të raketës së parë balistike ukrainase. Përgëzoj industrinë tonë të mbrojtjes për këtë. Nuk mund të ndaj më shumë detaje rreth kësaj rakete,” tha ai në një konferencë për shtyp.
Njoftimi i tij në Kiev erdhi në vazhdën e dy netëve radhazi të bombardimeve ruse në shkallë të gjerë në të gjithë Ukrainën që vranë disa njerëz dhe goditi infrastrukturën energjetike .
Zelenskyy tha javën e kaluar se forcat e tij kishin vendosur në luftime për herë të parë një “dron rakete me rreze të gjatë” të prodhuar nga Ukraina të quajtur Palianytsia.
Ukraina është përpjekur të zhvillojë industrinë e saj të armëve dhe të promovojë prodhimin ushtarak në territorin e saj, si pjesë e një përpjekjeje për t’u bërë më pak e varur nga ndihma ushtarake perëndimore./DW
