Ish-kongresmenia demokrate Tulsi Gabbard ka mbështetur fushatën presidenciale të Donald Trump, duke e përshkruar ish-presidentin si kandidatin e vetëm që mund ta largojë SHBA-në nga “pragu i luftës bërthamore”.
Trump e solli Gabbard-in në skenë gjatë një fjalimi në konferencën vjetore të Shoqatës së Gardës Kombëtare në Detroit të hënën, duke e prezantuar ish-kongresmenen e Havait si një “patriote të vërtetë amerikane” me “mendje të shquar dhe shpirt të madh”.
Gabbard, një veteran e Gardës Kombëtare, ku kashërbyer për 17 vjet dhe ka marrë pjesë në dy misione luftarake në Lindjen e Mesme, vlerësoi politikën e jashtme të Trump.
“Ne e pamë këtë gjatë mandatit të tij të parë në presidencë, kur ai jo vetëm që nuk nisi ndonjë luftë të re, por ndërmori veprime për të ulur tensionet dhe parandaluar luftërat”, tha ajo, duke shtuar se Trump kishte “guximin për t’u takuar me kundërshtarë, diktatorë, aleatë dhe partnerë në kërkim të paqes”.
“E njëjta gjë nuk mund të thuhet për Kamala Harris,” vijoi Gabbard.
“Në fakt e kundërta është e vërtetë dhe ne po e jetojmë këtë të vërtetë sot pasi kjo administratë na ka përballur me luftëra të shumta në fronte të shumta në rajone anembanë botës, dhe më afër pragut të luftës bërthamore se kurrë më parë.”
“Kjo është një nga arsyet kryesore pse unë jam e përkushtuar të bëj gjithçka që mundem për ta kthyer Presidentin Trump në Shtëpinë e Bardhë,” i tha ajo turmës.
“Sepse kam besim se detyra e tij e parë do të jetë të na largojë nga pragu i luftës.”
Gabbard u largua nga Partia Demokratike në vitin 2022, duke argumentuar se ajo kishte rënë “nën kontrollin e plotë të një kabale elitare luftënxitësish” dhe ideologësh të drejtësisë sociale. Tre vjet më parë, Gabbard u vlerësua gjerësisht për përfundimin e fushatës presidenciale të Harris 2020 me një përballje të vetëm në debat me të.
Gabbard ka kundërshtuar prej kohësh përfshirjen e SHBA-së dhe financimin e konflikteve të huaja. Gjatë katër mandateve të saj në detyrë nga 2013 deri në 2021, ajo mbrojti dialogun me superfuqitë rivale të Amerikës.
Ashtu si Trump, ajo është përballur me akuza se është një “aset rus”, më së shumti nga kandidatja e dështuar presidenciale e vitit 2016, Hillary Clinton. Gabbard iu përgjigj goditjes së Klintonit në vitin 2019 duke e quajtur Clinton “mbretëresha e luftënxënësve” dhe duke e paditur atë për shpifje.
Gabbard është ish-demokratja e dytë i profilit të lartë që mbështet Trump ditët e fundit, pasi Robert F. Kennedy Jr. pezulloi fushatën e tij dhe mbështeti ish-presidentin të premten.
