Për herë të parë në histori, Komiteti Kombëtar Demokratik akreditoi më shumë se 200 krijues përmbajtjesh të rrjeteve sociale, duke u dhënë atyre një vend në rreshtin e parë për të mbuluar ngjarjen, me status të barabartë me profesionistët e medias.
Gjatë kongresit, pesë influencues me një audiencë të përbashkët prej 23 milionë ndjekësish folën në skenë për programin. Sipas stafit të DNC, të gjithë krijuesit e përmbajtjes që morën pjesënë ngjarje arritën të ndiqeshin nga 500 milionë llogari në platforma të ndryshme sociale.
Sipas një deklarate për POLITICO nga zëdhënësja e DNC, Emily Soong, konventa e vitit 2024 grumbulloi 350 milionë shikime nga përmbajtja e krijuar nga partnerët gjatë katër ditëve të ngjarjes.
Ajo theksoi rëndësinë e këtyre krijuesve për të sjellë përvojën e konventës dhe për të ndarë historinë e kandidaturës Harris-Walz me votuesit e ardhshëm. Soong shtoi se, me peizazhin mediatik në ndryshim, demokratët po vazhdojnë të gjejnë mënyra të reja për të shpërndarë postime nga fushata e Kamala Harris.
Ajo gjithashtu përmendi se influencuesit e ftuar kishin “aftësinë unike për të komunikuar në mënyrë autentike me komunitetet e tyre,” duke përfshirë LGBTQ+, aktivistët e abortit, njerëzit me ngjyrë dhe votuesit për herë të parë.
Që kur Kamala Harris u bë kandidatja e demokratëve, mediat sociale kanë shpërthyer me meme, video në TikTok dhe përmbajtje dedikuar zëvendëspresidentes, ndihmuar në rritjen e entuziazmit për votuesit e rinj, të cilët nuk ishin të motivuar nga fushata e presidentit Joe Biden. Strategjitë e reja online kanë angazhuar më tej votuesit e gjeneratës “Z” dhe “Mijëvjeçarët”
Një sondazh i kryer nga ABC News, The Washington Post dhe Ipsos tregon se Harris po fiton votuesit e moshës 18-39 vjeç, me një mbështetje prej 59%, kundrejt ish-Presidentit Donald Trump, që ka 34%, një përmirësim me rreth 10 pikë përqindjeje në krahasim me Biden.
VINI RE: Ky artikull është pronësi intelektuale e Politico
