Presidenti ukrainas Zelensky tha të martën se lufta me Rusinë përfundimisht do përfundonte me dialog, por se Kievi duhej të ishte në një pozicion të fortë dhe se ai do t’i paraqiste një plan presidentit të SHBA-së Joe Biden dhe dy pasardhësve të mundshëm.
Udhëheqësi ukrainas, duke folur në një konference shtypi, tha se inkursioni trejavor i Kievit në rajonin Kursk të Rusisë ishte pjesë e këtij plani, por se ai përfshin gjithashtu hapa të tjerë në frontin ekonomik dhe diplomatik.
“Pika kryesore e këtij plani është të detyrojë Rusinë t’i japë fund luftës. Dhe unë e dua shumë këtë, do ishte e drejtë për Ukrainën,” u tha ai gazetarëve në Kiev.
Ai nuk shtjelloi më tej hapat e ardhshëm, por tha se do ta diskutonte planin edhe me zëvendëspresidenten demokrate Kamala Harris dhe ndoshta edhe me republikanin Donald Trump, dy të nominuarit për zgjedhjet presidenciale në SHBA.
