Fanella që lojtari legjendar i New York Yankees Babe Ruth veshi kur kreu një nga goditjet më të famshme të bejsbollit u shit për 24.12 milionë dollarë, duke e bërë atë koleksionin sportiv më të vlefshëm në botë.
Heritage Auctions me bazë në Dallas tha se fanella theu rekordin e mbajtur më parë nga një kartë bejsbolli Mickey Mantle e vitit 1952 që arriti në 12.6 milionë dollarë në gusht 2022 pas një “lufte drithëruese ofertash” që zgjati mbi gjashtë orë.
Ruth kishte veshur fanellën gri nr. 3 kur ai luajti kundër Chicago Cubs në Serinë Botërore 1932. Ai u duk se po bënte gjeste drejt diçkaje në qendër të fushës, pak para se të bënte gjuajtjen e famshme.
Ankandi, i mbajtur gjatë fundjavës, shfaqi relikeve të tjera historike sportive, duke përfshirë një nga fanellat “Last Dance” të Chicago Bulls të Michael Jordan dhe një shkop të nënshkruar dhe të përdorur në lojë nga i madhi i bejsbollit Jackie Robinson.
Një tjetër fanellë e “Last Dance”, të cilën Jordan e veshi gjatë finaleve të NBA në 1998, u shit për një rekord prej 10.1 milionë dollarë në vitin 2022, duke e bërë atë fanellën më të shtrenjtë të basketbollit që ishte shitur në ankand, raportoi më parë CNN.
