Pas reagimeve të shumta në rrjetet sociale e media lidhur me kopertinën e librit të Gjuhës Shqipe për klasën e tretë, shtëpia botuese e librit “Albas” ka sqaruar ato që i cilëson keqinterpretime.
Në reagimin e saj shtëpia botuese bën me dije se është viti i tretë që libri është nq qarkullim dhe se ndaj kopertinës nuk ka pasur asnjë shqetësim si nga mësuesit, ashtu edhe nga nxënësit apo prindërit.
Më tej “Albas” sqaron sese ykberi është simbol fëminor dhe po kështu ngjyrat janë simbol i ngjyrave të ndryshme të lëkurës me anë të cilave u shpjegohetfëmijëve se diskriminimi racor është i gabuar.
Në fund shtëpia botuese thekson se interpretime tendecioze dhe diskriminuese, sa më shumë përhapen në rrjet e medie, aq më shumë thellojnë krizën që po kalojmë si shoqëri duke dëmtuar shëndetin mendor të fëmijëve.
“Duke u nisur nga zhurma në rrjetet sociale dhe në disa portale e medie, e ndiejmë për detyrë të sqarojmë çdo keqinterpretim në lidhje me kopertinën e tekstit “Gjuha shqipe 3″. Është kthyer tashmë në traditë që çdo vërejtje apo sugjerim nga mësuesit e prindërit, Ministria e Arsimit ua dërgon shtëpive botuese, dhe çdo vit tekstet ribotohen të përmirësuara. Është viti i tetë që teksti “Gjuha shqipe 3” përdoret në shkollë dhe asnjë prind, mësues apo fëmijë nuk është shqetësuar nga kopertina e tij. Ylberi është simbol fëminor dhe që në parashkollor fëmijët mësojnë ndarjen e ngjyrave, por dhe simboli i një dukurie aq të mrekullueshme të natyrës.
Gjithashtu, përdoret edhe si simbol i ngjyrave të ndryshme të lëkurës, me anë të të cilit u shpjegohet fëmijëve se jemi të gjithë të veçantë dhe diskriminimi racor është shumë i gabuar. (Ka pjesë leximi për këtë temë). Sa për figurën e magjistarit në kopertinë (dhe magjistarët njihen për pelerinat e tyre ngjyra-ngjyra), kjo ka lidhje me një poezi, ku fëmija u lutet të gjithë magjistarëve të botës t’i falin një shkop magjik, me të cilin ai do të zhdukë lotët e vogëlushit të varfër, që ta gëzojë atë e t’ia mbushë jetën me ngjyra. Interpretimet tendencioze dhe diskriminuese, sa më shumë përhapen në rrjete sociale dhe në medie, aq më shumë thellojnë krizën që po kalojmë si shoqëri duke dëmtuar shëndetin mendor të fëmijëve. P.S Argumentet tona janë lehtësisht të verifikueshme me gjithë përmbajtjen e librit.” – thuhet në reagimin e shtëpisë botuese.
