Kryeministri i Sllovakisë, Robert Fico është kërcënuar duke marrë një zarf me një plumb, ka thënë qeveria të mërkurën, e cila shprehet se “çështja tani i është referuar forcës policore të Sllovakisë”.
Kërcënimi vjen pas tentativës për vrasjen e Ficos në maj që tronditi Evropën.
Personi që qëlloi Ficon u identifikua si 71-vjeçari Juraj Cintula, i cili ishte shprehur se nuk ishte dakord me politikën e qeverisë aktuale.
Cintula aktualisht është në paraburgim, përballë akuzave për terrorizëm dhe mund të dënohet nga 25 vjet deri në burgim të përjetshëm.
Fico iu nënshtrua disa operacioneve pasi mori plagë të rrezikshme për jetën nga të shtënat. Ai fajësoi për sulmin opozitën në paraqitjen e parë pasi u qëllua.
VINI RE: Ky artikull është pronësi intelektuale e Politico
