Volkswagen ka kundërshtuar rreptësisht kërkesat e sindikatave pasi turi i parë i bisedimeve të diskutuara ashpër përfundoi pa marrëveshje të mërkurën, ndërsa punëtorët e prodhuesit më të madh të automjeteve në Evropë kërcënuan me greva kundër pushimeve nga puna dhe mbylljes së paralajmëruar të fabrikave.
Tensionet në gjigantin e prodhimit të makinave po rriten pasi frika e mbylljes së fabrikave, që do ishte e para për kompaninë në Gjermani, e ka vendosur atë në një rrugë përplasjeje me sindikatat e fuqishme IG Metall.
IG Metall duhet të negociojë gjithashtu marrëveshje të reja pune për 130,000 punëtorët e VW në Gjermani, pasi grupi këtë muaj përfundoi marrëveshjet që kishin mbrojtur punësimin në gjashtë prej fabrikave të saj në Gjermaninë perëndimore që nga mesi i viteve 1990.
Përfaqësuesit e punëtorëve janë zotuar të luftojnë shkurtimet e vendeve të punës, duke fajësuar drejtuesit e kompanisë dhe mbështetjen e lëkundur të qeverisë për problemet e Volkswagen.
Shefi i personelit të VW tha se divizioni duhet të ulë kostot për të qëndruar konkurrues.
“Kjo do kërkojë një kontribut nga punonjësit,” tha Arne Meisëinkel pas bisedimeve në Hanover.
IG Metall ka kërcënuar me greva që nga fillimi i dhjetorit dhe po këmbëngul për një rritje të pagave prej 7%.
“Mbylljet e fabrikave dhe pushimet masive mbeten në tavolinë”, tha Thorsten Groeger, kryenegociatori i IG Metall me Volkswagen. Asnjë datë nuk është caktuar për raundin tjetër.
Shefja e këshillit të punës, Daniela Cavallo tha se punëtorët nuk kishin lëvizur asnjë grimë në kërkesat e tyre. Më parë ajo u kthye në historinë 87-vjeçare të Volkswagen, duke iu referuar shpronësimit të fondeve të sindikatave gjatë Rajhut të Tretë.
“Me një normë mesatare interesi, ky kapital, të cilin nazistët ia kishin grabitur lëvizjes punëtore në atë kohë, do kishte sjellë miliarda euro gjatë dekadave. Këto para, paratë tona, janë sot në Volksëagen Group”, tha ajo.
Ajo theksoi një gatishmëri për kompromis, por shtoi se i takon drejtuesve të gjejnë një zgjidhje.
Volkswagen argumenton se kostot e larta të energjisë dhe të punës në Gjermani e vendosin atë në disavantazh me simotrat evropiane si dhe konkurrentët kinezë, të cilët i kanë vënë syrin një pjesë të madhe të tregut të automjeteve elektrike në rajon.
