Sipas shifrave të fundit nga Indeksi i Miliarderëve të Bloomberg, Mark Zuckerberg ka rritur pasurinë e tij personale me 73.4 miliardë dollarë në vitin 2024, duke arritur në 201 miliardë dollarë. CEO i Meta tani është personi i katërt më i pasur në botë, duke iu bashkuar një klubi ekskluziv të miliarderëve që numëron vetëm tre anëtarë të tjerë me pasuri mbi 200 miliardë dollarë.
Elon Musk, CEO i Tesla dhe X, kryeson listën me 272 miliardë dollarë, ndjekur nga Jeff Bezos, themeluesi i Amazon me 211 miliardë dollarë, dhe Bernard Arnault, CEO i LVMH me 207 miliardë dollarë.
Zuckerberg, 40 vjeç, ka një pjesë të madhe të pasurisë së tij të lidhur me aksionet e Meta Platforms, të cilat janë rritur me gati 64% gjatë vitit 2024.
Përveç Zuckerberg, edhe CEO i Nvidia, Jensen Huang, dhe Larry Ellison, bashkëthemelues i Oracle, kanë parë rritje të konsiderueshme të pasurisë së tyre këtë vit, me 62.2 miliardë dollarë dhe 58.6 miliardë dollarë përkatësisht./CNN
