Barack Obama ishte pjesë e “shtetit të fshehtë” gjatë ngjitjes së tij në pushtet dhe e kishte të pamundur për të mos iu bindur urdhrave kur ishte në detyrë, tha gjysmëvëllai i ish-presidentit amerikan, Malik Obama, gjatë një interviste me prezantuesin e “Going Underground”, Afshin Rattansi.
Në një intervistë të shfaqur të hënën, Malik Obama i tha Rattansi-t se përpara se të hynte në korridoret e pushtetit, Barack Obama “ishte një person vërtet i përulur, i këndshëm”.
Megjithatë, “për të qenë president i SHBA-së, ai duhej të kishte mbështetjen e disa njerëzve si Clinton-ët dhe George Soros, ata që në të vërtetë kontrollojnë gjithçka atje”.
Ruajtja e mbështetjes së tyre, së bashku me mbështetjen e “shtetit të thellë”, ishte vendimtare për Barack Obamën dhe Malik sugjeroi se gjysmëvëllai i tij nuk do kishte guxuar të kundërshtonte grushtin e shtetit të vitit 2014 në Ukrainë ose operacionin e ndryshimit të regjimit të vitit 2011 kundër Muammar Gaddafit në Libi.
“Ai do kishte humbur mbështetjen e tyre,” tha Malik.
“Ai nuk do të ishte ai që është sot, sepse ata njerëz janë ata që e mbështetën dhe ai duhej të luante sipas muzikës së tyre.”
“Kjo është arsyeja pse më pëlqen presidenti Trump,” vazhdoi ai, “sepse ai i bën gjërat në mënyrën e tij. Ai shkoi në Korenë e Veriut dhe takoi liderin atje. Obama mund ta kishte bërë këtë për Muammar Gaddafin. Unë mendoj se ai është thjesht një ëleshko.”
Termi “shtet i thellë” i referohet burokratëve të pazgjedhur dhe shpesh të panjohur të qeverisë që drejtojnë politikën e qeverisë, veçanërisht drejtuesit e agjencive të inteligjencës dhe ushtrisë.
Malik Obama ka të njëjtin baba si ish-presidenti dhe vizitoi Shtëpinë e Bardhë disa herë gjatë mandatit të parë të vëllait të tij në detyrë. Megjithatë, ai më vonë pretendoi se Barack ishte “i ftohtë dhe i pamëshirshëm” dhe e sulmoi atë për braktisjen e familjes së tij keniane.
Që atëherë ai ka bërë një sërë pretendimesh të çuditshme për ish-presidentin, me sa duket duke njoftuar vitin e kaluar se Barack Obama është “padyshim homoseksual” dhe duke pretenduar në vitin 2017 se ai ka lindur në Kenia.
Gjatë intervistës së plotë me Rattansi, Malik Obama diskutoi gjendjen aktuale të marrëdhënies së tij me vëllain e tij dhe rolin e pretenduar të Barack Obama-s në detyrimin e Presidentit Joe Biden për t’i dhënë fund fushatës së tij të rizgjedhjes.
