Më shumë se 160 njerëz mbetën të vdekur nga uragani Helene, një nga stuhitë më vdekjeprurëse që ka goditur SHBA-në së fundmi dhe qindra të tjerë njoftohet se ende mbeten të zhdukur.
Përpjekjet e kërkim-shpëtimit vazhdojnë, ndërsa dërgesat e ndihmave po bëhen me avionë dhe mushka. Qeveria e SHBA ka njoftuar se procesi i pastrimit mund të zgjasë me vite. Presidenti Joe Biden do të vizitojë Karolinën e Veriut të mërkurën, ndërsa zëvendëspresidentja Kamala Harris do të shkojë në Gjeorgji.
Reshjet e shiut ishin të pazakonta dhe stuhia zgjati për periudha të gjata, me tokën e ngopur nga reshjet e mëparshme që ndikoi në intensitetin e saj. Sipas CBS News, janë raportuar 162 vdekje në gjashtë shtete: Karolina e Veriut, Karolina e Jugut, Xhorxhia, Florida, Tenesi dhe Virxhinia.
Numri i vdekjeve tejkalon atë të uraganit Ian, i cili mori të paktën 156 jetë në vitin 2022. Pothuajse gjysma e vdekjeve nga Helene kanë ndodhur në Karolinën e Veriut, ku ranë reshje të mëdha. Zonat malore të shtetit pësuan dëme të mëdha, duke shkaktuar shpërlarjen e shtëpive dhe urave./BBC
