SHBA-ja duhet të mbështesë Izraelin në hakmarrjen e tij kundër Iranit, edhe nëse përfshin një sulm parandalues, tha zëvendëspresidenti i përzgjedhur i Donald Trump, J.D. Vance, gjatë një debati televiziv në CBS Neës të martën.
Vance, një senator republikan nga Ohio, u përball me kundërshtarin e tij demokrat, guvernatorin e Minesotës Tim Walz në television rejtpërdrejt vetëm disa orë pasi Irani hodhi 200 raketa në Izrael, duke shënuar një përshkallëzim të rëndësishëm në tensionet në Lindjen e Mesme.
I pyetur nga një moderator nëse ai do mbështeste një sulm parandalues izraelit ndaj Iranit, Vance ripohoi mbështetjen e gjatë të Uashingtonit për shtetin hebre.
“I takon Izraelit të mendojë se duhet të bëjë për ta mbajtur vendin e sigurt dhe ne duhet t’i mbështesim aleatët tanë kudo që janë kur ata luftojnë kundër të këqijve. Kjo është qasja e duhur ndaj çështjes së Izraelit,” u përgjigj Vance.
Ai vijoi të argumentonte se Trump kishte mbajtur në kontroll kundërshtarët e Amerikës kur ai ishte president.
“Trump në fakt dha stabilitet në botë dhe ai e bëri atë duke vendosur parandalimin efektiv. Njerëzit kishin frikë të dilnin jashtë linjës,” tha Vance.
Walz shmangu përgjigjen e drejtpërdrejtë nëse do mbështeste një sulm parandalues izraelit. Ai tha, megjithatë, se “aftësia e Izraelit për të qenë në gjendje të mbrohet është absolutisht thelbësore”.
