Një ngjarje e rëndë raportohet se ka ndodhur mbrëmjen e sotme në aksin nacional Korçë-Pogradec, ku një 40- vjeçar me inicialet F.P është gjetur pa shenja jete, në afërsi të fshatit Leshnicë.
Sipas policisë dyshohet se viktima është përplasur nga një mjet i panjohur, i cili më pas është larguar nga vendngjarja.
Policia është duke bërë verifikime për të identifikuar mjetin dhe shoferin që mund të jetë përfshirë në këtë incident.
Njoftimi i Policisë:
Pogradec/ Informacion paraprak
Rreth orës 18:25, në aksin rrugor “Korçë-Pogradec”, në vendin e quajtur “Ura e Leshnicës” është gjetur i pa jetë shtetasi F. P. 40 vjeç, banues në Petrushë.
Nga veprimet e para të kryera në vendin e ngjarjes dhe këqyrja paraprake e trupit dyshohet të jetë aksidentuar nga një mjet i cili është larguar nga vendi i ngjarjes.
Grupi hetimor nën drejtimin e Prokurorisë ndodhet në vendngjarje dhe po punon për zbardhjen e rrethanave të ngjarjes, identifikimin e mjetit dhe drejtuesit të tij që dyshohet se ka aksidentuar me pasojë vdekjen, shtetasin F.P.
Ndërkohë shërbimet e Policisë po vijojnë kontrollet në servise dhe ambiente të ndryshme në të gjithë aksin rrugor Korçë – Pogradec dhe në fshatrat përreth, me qëllim gjetjen e automjetit dhe arrestimin e drejtuesit të tij.
