Policia ka identifikuar dhe arrestuar autorin që përplasi për vdekje 40-vjeçarin Florant Palla mbrëmjen e djeshme në aksin rrugor “Korçë-Pogradec”. Në pranga ka rënë 38-vjeçari Gentian Capo, banues në fshatin Gështenjas, Pogradec.
Pas një hetimi intensiv, që përfshiu përdorimin e dronëve dhe dylbive, policia lokalizoi automjetin tip “Volkswagen” të përfshirë në ngjarje. Mjeti kishte pësuar dëme të mëdha, sidomos në xhamin e përparmë.
Njoftimi i policisë sqaron se aksidenti ndodhi në vendin e quajtur “Ura e Leshnicës”, ku 40-vjeçari u gjet i pajetë. Drejtuesi i automjetit, i cili u largua nga vendi i ngjarjes, u identifikua dhe arrestua për veprat penale “Shkelja e rregullave të qarkullimit rrugor” dhe “Largim nga vendi i aksidentit”.
Automjeti i sekuestruar do të shërbejë si provë materiale, ndërsa çështja i kaloi Prokurorisë për veprime të mëtejshme.
Njoftimi i policisë
Policia Rrugore zbardh ngjarjen rrugore të ndodhur ditën e djeshme ku u gjet i pajetë në aksin rrugor “Korçë-Pogradec”, një 40 vjeçar, i cili u aksidentua nga një automjet dhe drejtuesi u largua nga vendi i ngjarjes bashkë me automjetin e tij.
Pas hetimeve dhe kontrolleve intensive duke përdorur dhe dron dhe dylbi u bë e mundur identifikimi i automjetit dhe drejtuesit të tij.
Vihet në pranga 38 vjeçari dhe sekuestrohet në cilësinë e provës materiale automjeti me të cilin aksidentoi me pasojë vdekjen 40- vjeçarin.
Në vijim të informacionin paraprak të dhënë ditën e djeshme, ku në aksin rrugor “Korçë-Pogradec”, tek vendi i quajtur “Ura e Leshnicës”, u gjet i pajetë shtetasi F. P. 40 vjeç dhe paraprakisht u dyshua për aksident rrugor, grupi hetimor nën drejtimin Prokurorisë vijoi veprimet hetimore për identifikimin e drejtuesit të mjetit, që shkaktoi aksidentin.
Pas një pune intensive të bërë nga Sektori i Policisë Rrugore, që nga mbrëmja e djeshme me këqyrje te kamerave qe ndodheshin ne aksin rrugor Korçë-Pogradec, kontrolle me dron dhe dylbi të territorit te fshatrave dhe zonave të banuara përreth vendndodhjes se aksidentit dhe informacioneve të marra ne rruge operative, u bë e mundur që rreth rreth orës 16:40, të lokalizohej nëpërmjet dronit automjeti tip “Volksëagen” i përfshirë në këtë ngjarje rrugore.
Gjithashtu u identifikua dhe drejtuesi i automjetit shtetasit G. C., 38 vjeç, banues në fshatin Gështenjas, Pogradec,
Shërbimet e Policisë kapën dhe shoqëruan në Komisariat shtetasin G. C., i cili u arrestua për veprat penale ” Shkelja e rregullave të qarkullimit rrugor” dhe “Largim nga vendi i aksidentit”
Ndërsa automjeti u sekuestrua në cilësinë e provës materiale.
Materialet procedurale i kaluan Prokurorisë për veprime të mëtejshme.
