Një ditë pas protestës së opozitës në kryeqytet, Sali Berisha doli me një mesazh falënderues ndaj të gjithë qytetarëve që dolën dhe iu përgjigjën thirrjes për mosbindje civile.
Berisha u shpreh se nuk do të ketë paqe nëse në Shqipëria nuk zhvillohen zgjedhje të lira, ndërsa i bëri thirrje kryeministrit Rama që të krijojë qeverinë teknike.
“Nuk duam fitore në tavolinë”- tha Sali Berisha, i cili paralajmëroi edhe forma të tjera të protestës, si ngujime apo greva.
Berisha: Me këtë mesazh dua të shpreh mirënjohje ju qendratareve të pamposhtur.
Falënderoj ata qytetarë që mbrëmë dhanë leksion më të mirë se çfarë është opozitë. Ata mbrëmë ishin ndërgjegjja e kombit, zëri i njerëzve të heshtur. Ndërgjegjja e njeriut të civilizuar që ngrihet kundër padrejtësive. Ata dje ngjanin me Feniksin, në fakt ishin prijësit, zoti i kryeqytetit dhe Shqipërisë. Zoti i madh i bekoftë.
Një falënderim për djem dhe vajza që mbrëmë iu përgjigjën vjedhjeve me mosbindje civile.
Dje dhanë mesazhin e qartë se pa zgjedhje të lira Shqipëria nuk ka dhe nuk do ketë paqe.
