Drejtuesi i autobotit që transportonte karburant, Petro Piti, ka ndërruar jetë pas një aksidenti tragjik mbrëmjen e sotme në aksin Lushnje-Berat, në zonën e quajtur “Kashtëbardhë”.
Autoboti u përmbys pas përplasjes me një mjet bujqësor, drejtuesi i të cilit, Arben Toska, arriti të hidhej nga mjeti dhe shpëtoi pa lëndime të rënda. Megjithatë, Piti përfundoi në kanalin kullues pas aksidentit, dhe përpjekjet për ta nxjerrë ishin të kota për një kohë të gjatë.
Pas rreth një ore, ai u nxor dhe u transportua në spitalin e Lushnjes, por ndodhej në gjendje kritike dhe humbi jetën pak më vonë për shkak të dëmtimeve të shumta. Policia ka ndërprerë qarkullimin në zonën e ngjarjes dhe po heton shkaqet e aksidentit.
