Fisher-Price po tërheq më shumë se 2 milionë pajisje “Snuga Swings” për shkak të rrezikut të mbytjes pas raportimeve se pesë fëmijë vdiqën duke fjetur në pajisje.
Në një alarm të lëshuar nga Komisioni i Sigurisë së Produkteve të Konsumatorit në SHBA (CPSC), pajisja 160 dollarëshe “nuk duhet të përdoret kurrë për gjumë dhe materialet e shtratit nuk duhet të shtohen kurrë në të” sepse mbështetësi i kokës dhe futja e trupit të vendosur në gropën e ulëses “rrisin rrezikun e mbytjes.”
Pesë vdekje u raportuan midis 2012 dhe 2022 dhe të gjithë ishin foshnje të moshës 1 deri në 3 muaj që përdornin lëkundjet për gjumë. Agjencia tha se në “shumicën” e incidenteve lëkundjes i ishin shtuar materialet e shtratit.
Akademia Amerikane e Pediatrisë rekomandon që batanijet e lirshme, jastëkët, lodrat e mbushura dhe sendet e tjera të buta të mbahen jashtë hapësirës së gjumit.
Janë 21 modele të “Snuga Swings”, të cilat të gjitha janë pjesë e tërheqjes masive. Një listë e plotë e modeleve dhe numrave të produkteve janë në dispozicion në faqen e internetit të CPSC.
Pajisja është shitur në Shtetet e Bashkuara, Kanada dhe Meksikë që nga viti 2010. Shitësit me pakicë përfshijnë Amazon, Toys R. Us, Target dhe Walmart dhe Sam’s Club.
Njerëzit që mbajnë Snug Sëing duhet të “heqin menjëherë” mbështetësen e kokës dhe futjen e mbështetjes së trupit në tavolinën e ulëses. Fisher-Price po ofron një rimbursim prej 25 dollarësh për pronarët që heqin ato pjesë, e cila është e disponueshme për t’u aksesuar në faqen e internetit të Mattel.
