Drejtuesit sportivë të Barcelonës dhe trajneri i tyre, Hansi Flick, besojnë se projekti ka ende shumë hapësirë për përmirësim në të ardhmen dhe synojnë të përforcojnë disa pozicione.
Trajneri është veçanërisht i fiksuar me krahët mbrojtës dhe mendon se mund të arrihet një përmirësim i rëndësishëm nëse bëhen disa investime.
Janë vëzhguar disa mbrojtës të djathtë dhe në të majtë, klubi po përpiqet të bëjë një goditje me ardhjen e Alphonso Davies, një futbollist që po monitorohet nga Real Madrid, por që është i hapur për të dëgjuar oferta pak muaj para përfundimit të kontratës së tij.
Ideja për Davies qarkullon në klub prej disa muajsh, madje edhe para se të vinte Hansi Flick, i cili e njeh shumë mirë nga periudha e tij te Bayern.
Barça nuk kishte bërë asnjë lëvizje më parë sepse prisnin që mbrojtësi i majtë të përfundonte te Real Madrid këtë verë, por përfundimisht nuk pati marrëveshje mes klubeve dhe gjithçka mbeti e hapur.
Deco ka dashur të informohet për kërkesat e lojtarit dhe prioritetet e tij pak më shumë se dy muaj para se të mund të firmosë me një klub për të kaluar si lojtar i lirë në janar.
Te Barça e dinë se nuk është një operacion i lehtë, por nëse angazhohen, mund ta përfundojnë me sukses këtë marrëveshje.
Alphonso Davies nuk ka firmosur ende me asnjë dhe do të shqyrtojë ofertat përpara se të marrë një vendim. Faktor kryesor do të jetë aspekti sportiv, por edhe ai financiar, ku Barça mund të hasë disa vështirësi.
Klubi blaugrana e di se përfshirja e tij do të ishte e pamundur pa hyrë në rregullin 1-1 dhe gjithashtu do të duhej të realizohej ndonjë shitje për t’i hapur rrugë kësaj marrëveshjeje.
