Kreu i Partisë Demokratike, Sali Berisha, ka reaguar pas arrestimit të ish-deputetit të PS-së, Jurgis Çyrbja, i akuzuar për lidhje me bandat kriminale të Durrësit.
Berisha e cilësoi Çyrbjan si përfaqësues të klanit mafioz Avdylaj, duke theksuar se ai nuk është “peshku i madh” në këtë skemë.
Berisha kërkoi dorëheqjen e menjëhershme të kryeministrit Edi Rama, të cilin e akuzoi si autor të ndërtimit të “piramidës së krimit” në Shqipëri.
Ai theksoi se lidhjet e Çyrbjas me Ramën tregojnë se vendimmarrësi kryesor në vend është krimi.
“Kërkoj dorëheqjen e menjëherë dorëheqjen e kreut të organizuar në pushtet, Edvin Kristaq Rama, i cili është autor kryesor i ndërtimit dhe angazhimit të tij direkt të piramidës së krimit të Evropë.
Të dhënat e bëra publike sot nga mediat, për ish deputetin kriminel, Çyrbja, implikojnë direkt kreun e qeverisë së krimit, Edi Ramën.
Sepse është direkt Edi Rama njeriu që ka ngrënë dardhat e Çyrbes.
Jurgis Çyrbja i njohur botërisht si përfaqësues i klanit mafioz Avdylaj ka shpërblyer Edi Ramën së bashku me Avdylajt me tonelata dardha të krimbura. Ka dërguar dy herë mandatin e tij në Parlament, rasti Çyrbja është rasti që fakton në mënyrë më të pakundërshtueshme, faktin se në Shqipëri vendimmarrës numër 1 është krimi.
Familja mafioze Avdylaj, jo vetëm kandidoi Çyrben si përfaqëues të vetin në Parlament por di diktoi Ramës, i cili kryesoi listën e Durrësit në zgjedhjet e fundit, ta vendosë atë pikërisht burrin e dytë në listë pas vetes, apo të tretin pas një zonje që e detyronte ligji.
Pra kemi të bëjmë me diktatin e plotë të klanit mafioz Avdylaj, jo vetëm për futjen në listë por dhe renditjen në dytë pas Ramës, të gjinisë mashkullore, në listën e Durrësit. Rama duhet të japë dorëheqjen e menjëhershme sepse ka ngrënë dardhat e një njeriu që përfaqësonte klanin më të rrezikshëm, që strehonte dhe fshihte vrasësin e Prengës.
Mos harroni se Çyrbja nuk është peshku i madh, peshqit mëdhenj janë sipër fare, peshkaqeni është Rama.”
