Ilir Meta ka reaguar pas arrestimit të tij me urdhër të SPAK-ut.
Meta ka falënderuar anëtarët e Partisë së Lirisë për mbështetjen dhe ka lajmëruar një “faqe të re në luftën” kundër narkoshtetit.
Sipas Metës forma e arrestimit të tij duke e quajtur një rrëmbim tregon se regjimim është në panik nga ballafaqimi me të vërtetat.
“Falënderoj përzemërsisht të gjithë anëtarët e Partisë së Lirisë për mbështetjen e jashtëzakonshme që më kanë dhënë deri tani.
Po kështu nga sot lufta jonë nis një faqe të re në përballjen pa asnjë kompromis me Narkoshtetin e instaluar brutalisht.
Jam i bindur në fitoren e kauzave tona kombëtare dhe demokratike!
Armiqtë e kombit tonë dhe demokracisë do u ngrijë e qeshura në buzë.
Rrëmbimi im sot në mënyrën më banditeske tregon panikun e regjimit diktatorial nga ballafaqimi me të vërtetat.
Ju siguroj se pas njohjes me vendimin e arrestimit tim ndihem më i fortë se kurrë dhe besoj edhe shumë në pafajësinë time të plotë.
Ndihem krenar që jam rrëmbyer dhunshëm nga antishqiptarët dhe shqipfolësit vetëm për patriotizmin tim dhe mbrojtjen e interesave kombëtare”-thuhet në deklaratën e shpërndarë në emër të Metës.
