Policia e Tiranës ka arrestuar 6 individë gjatë operacioneve të ndryshme, për vepra penale të ndryshme. Specialistët e Sektorit për Hetimin e Narkotikëve arrestuan R. Zh., 39 vjeç, pasi iu gjet një sasi lënde të dyshuar narkotike kanabis.
Në Fushë Krujë, A. K., 24 vjeç, u ndalua për “Mashtrimi” dhe “Falsifikimi i dokumenteve”.
Gjithashtu, në Shish Tufinë, u arrestuan Sh. Q., 60 vjeç, dhe F. Q., 64 vjeç, pas një konflikti fizik për motive pronësie, ku u gjet dhe sekuestrua një kosore.
E. L., 34 vjeç, u arrestua pasi goditi me grusht R. F., 43 vjeç, i cili ndodhet në spital.
Në fund, Gj. L., 44 vjeç, u arrestua për dhunë ndaj të dashurës së tij. Materialet iu kaluan Prokurorisë për veprime të mëtejshme.
Tiranë/Arrestohen 6 shtetas, për vepra të ndryshme penale.
Specialistët e Sektorit për Hetimin e Narkotikëve arrestuan shtetasin R. Zh., 39 vjeç, banues në Tiranë, pasi gjatë kontrollit fizik, shërbimet e Policisë i gjetën një sasi lënde të dyshuar narkotike kanabis, e cila u sekuestrua në cilësinë e provës materiale.
Specialistët e Seksionit për Hetimin e Krimeve në Komisaritin e Policisë Nr. 4 arrestuan shtetasit:
– Sh. Q., 60 vjeç, dhe F. Q., 64 vjeç, të dy banues në Shish Tufinë, pasi dyshohet se për motive pronësie janë konfliktuar fizikisht me njëri-tjetrin. Gjatë kontrollit fizik, shërbimet e Policisë i gjetën shtetasit F. Q., një kosore, e cila u sekuestrua në cilësinë e provës materiale;
– E. L., 34 vjeç, banues në Tiranë, pasi ditën e djeshme, rreth orës 18:50, në një lokal në rrugën “Fitnete Rexha”, ka goditur me grusht, në kokë, shtetasin R. F., 43 vjeç. 43-vjeçari ndodhet në spital, në kujdesin e mjekëve.
Specialistët e Seksionit për Hetimin e Krimeve në Komisaritin e Policisë Nr. 6 arrestuan shtetasin Gj. L., 44 vjeç, banues në Tiranë, pasi dyshohet se ka ushtruar dhunë ndaj të dashurës së tij.
Materialet i kaluan Prokurorisë.
