Pas shpalljes si i pandehur të deputetit të Partisë Socialiste, Plarent Ndreca, nga SPAK, Gazment Bardhi ka publikuar një video ku akuzon Ndrecën për gënjeshtra në lidhje me hetimet ndaj tij.
Bardhi, i cili kishte parashikuar këtë zhvillim, e quajti deklaratën e Ndrecës se ai nuk ishte nën hetim si “gënjeshtër publike”.
Ai përfundoi duke thënë se zyrtarë si Plarent Ndreca, për shkeljet e tyre ligjore dhe mbështetje ndaj korrupsionit, shpërblehen nga Rama duke u promovuar në pozita të rëndësishme si deputetë.
Kjo situatë thekson tensionet dhe akuzat mes opozitës dhe qeverisë në Shqipëri.
“Deputeti i Edi Ramës gënjeu publikisht kur deklaroi se është e pavërtetë që është nën hetim nga SPAK. Por, gënjeshtra mbulon zullumin vetëm për disa orë apo ditë, por e vërteta triumfon përgjithmonë!
E vërteta është që tenderat publik në Qeverinë e Edi Ramës janë kthyer në mundësi vetëm për klientë të paracaktuar, duke eleminuar garën dhe meritokracinë. Klientelizmi dhe korrupsioni janë e vetmja formë për të bërë biznes në Shqipëri gjatë qeverisjes së Edi Ramës.
Për këtë nevojiten zyrtar publik si Plarent Ndreca, që për shërbimet në shkelje të ligjit, për mbështetjen ndaj klientelizmit dhe korrupsionit, shpërblehen nga Edi Rama duke u promovuar si deputet!”
