Në episodin e rradhes të podcastit “Flasim”, kryeministri Edi Rama theksoi se hapja e negociatave me Bashkimin Evropian për grup-kapitullin e parë është një moment krenarie për Shqipërinë. Ai shprehu besimin se vendi do të arrijë qëllimin e tij shumëvjeçar deri në vitin 2030.
Rama përshkroi ndjenjat e tij përpara hapjes së negociatave, duke u shprehur se kishte frikë nga procesi i analizave të thella që do të ndiqnin. “Kam vuajtur stresin e diagnozave që do të fillonin, por tani, ky proces më ka dhënë energji të rinovueshme për të besuar se do ta arrijmë majën e ëndrrës sonë brenda dekadës,” tha ai.
“Për mua ka qenë një pikë e lartë krenarie pikërisht pika ku unë vuaja stresin që do të ishte një pikë e ulët energjie sepse thosha ‘tani u hapën, do fillojë diagnoza, ekografia, mamografia, i gjithë ai i kompleks analizash i gjithë trupi të vendit përpara se të fillojë negociata e drejtpërdrejt që nisi javën e shkuar dhe qe ata do të na zbërthejnë brinjët, si do ta përballojmë ne dhe a e kemi administratën për ta përballuar.
Ky proces më ka dhënë krah dhe energji të rinovueshme për të besuar që do ta arrijmë majën e ëndrrën shumëvjeçare brenda dekadës, 2030 si afati final”, tha Rama në podkastin “Flasim”
