Ditën e sotme u zhvillua një protestë në Portin e Durrësit kundër mbetjeve toksike që priten të mbërrijnë në port ditën e hënë.
Janë rreth 2100 tonë mbetje, që dyshohet se janë të rrezikshme, që pritet të mbërrijnë në Shqipëri, pas alarmit të dhënë edhe nga organizma ndërkombëtare të mbrojtjes së mjedisit.
Ato u nisën nga Shqipëria duke me destinacion Tajlandën të dyshuara në shkelje të ligjit duke mosdeklaruar llojin e vërtetë të përmbajtjes.
Nënkryetari i PD, Oert Bylykbashi, ishte një nga pjesëmarrësit në protestë.
Bylykbashi i ka bërë thirrje SPAK që të nisë hetimet lidhur me këtë skandal. Ai tha se nuk mjafton vetëm transparenca, por duhen hetime që të zbardhin atë që ka ndodhur.
“Unë jam një qytetar si të gjithë ju, një durrsak, ku po rrezikohemi me mbetjet toksike që do të helmojnë jetën e qytetarëve.
Jemi mësuar të dëgjojmë skandale njëra pas tjetrës por ky është një nga ato që shqetëson çdo prind për shëndetin e fëmijëve për tani dhe për të ardhmen.
Qyteti i Durrësit mban vendin e parë për sëmundjet që vijnë nga ndotja e ambientit. Çfarë do të indohet nëse Rrjeti i Bazelit nuk do të denonconte këtë skandal dhe vepër penale.
Nëse nuk do të kishin reaguar organet e shteteve tjera nuk do të merrnin vesh asgjë, ata do të vinin dhe të groposeshin pa asnjë dijeni për qytetarët.
Ky është model kriminal qeverisëse, është detyra jonë qytetare të reagojmë fort për të gjithë ata që kanë lidhje me këtë skandal.
Ky port është kthyer nën qeverisjen e Ramës në një vatër të krimit të organizuar, këtu kalojnë kotenierë me drogë dhe nuk i kap njeri, çfarë mendoni ju se do të kapen këto me mbetje?
Ky port është skenë krimi dhe është prova se si janë grabitur shqiptarët në një nga pasuritë më të mëdha dhe strategjik të vendit.
Pyetja është ky ndodhet prokuroria, është skenë krimi. Organi hetues duhet të jetë këtu për të hetuar dhe nxjerrë përgjegjësit”, tha Bylykbashi.
