Agjencia e Mbikëqyrjes Policore në rajonin Kukës-Dibër ka ekzekutuar masat e sigurimit personal ndaj punonjësit të policisë B.S., i dyshuar për veprën penale “Vjedhje duke shpërdoruar detyrën”. Ai është arrestuar dhe është pezulluar nga ushtrimi i detyrës.
B.S. ishte shpallur në kërkim një muaj më parë në kuadër të operacionit të koduar “Targa e huaj”, ku u dokumentuan raste të përvetësimit të paligjshëm të vlerave monetare nga punonjës të qarkullimit rrugor.
Agjencia e Mbikëqyrjes Policore bën thirrje për qytetarët që të denoncojnë çdo rast abuzimi nga punonjësit e strukturave mbikëqyrëse.
Njoftimi i plot nga AMP
Agjencia e Mbikëqyrjes Policore (Rajoni Kukës – Dibër) në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Kukës, ka ekzekutuar masat e sigurimit personal “Arrest me burg” dhe “Pezullim i ushtrimit të një detyre a shërbimi publik” ndaj punonjësit B.S., me detyrë trupë shërbimi në Njësinë Operacionale për Sigurinë Rrugore dhe Sigurisë së Autorstradave, i dyshuar për veprën penale “Vjedhje duke shpërdoruar detyrën”.
Punonjësi B.S., ishte shpallur në kërkim një muaj më parë në kuadër të operacionit të koduar “Targa e huaj” ku u dokumentuan rastet e përvetësimit në mënyrë të paligjshme të vlerave monetare nga ana e punonjësve të qarkullimit rrugor.
AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave mbikëqyrëse, duke telefonuar në numrin e gjelbër 0800 90 90.
Për ankesa me Whatsapp 0694151511
