Izraeli dëshiron që Rusia të marrë pjesë në përpjekjet e paqes që synojnë t’i japin fund konfliktit të shtetit hebre me grupin militant libanez Hezbollah, kanë raportuar Ynet neës dhe disa media të tjera lokale, duke cituar zyrtarë të përfshirë në negociata. Sipas raporteve, Izraeli pret që përfshirja e Moskës të shtojë stabilitet në çdo marrëveshje të ardhshme dhe të zvogëlojë varësinë nga SHBA-ja.
“Rusët do kenë një rol të veçantë në zbatimin e marrëveshjes dhe parandalimin e përshkallëzimit të mëtejshëm”, tha një burim për Ynet.
Duke komentuar raportet, Orna Mizrahi, një ish-zëvendës këshilltare izraelite për sigurinë kombëtare, tha për Neësëeek se ndërsa Izraeli “parapëlqen amerikanët”, ai e kupton se “marrëdhëniet e mira” të Rusisë me Iranin mund të kontribuojnë në stabilitetin e çdo marrëveshjeje për Libanin në të ardhmen.
“Një pikë tjetër është fakti se ata janë pjesë e pesë anëtarëve të Këshillit të Sigurimit të OKB-së dhe nëse arrijmë në pikën që kemi një lloj rezolute të re për armëpushimin në Këshillin e Sigurimit të OKB-së, do të donim që rusët ta miratonin atë.” tha ajo.
Raportet e mediave izraelite pohuan këtë javë se negociatat për një marrëveshje armëpushimi në Liban kanë arritur tashmë “faza të përparuara “. I dërguari i presidentit amerikan Joe Biden, Amos Hochstein, i cili po ndërmjetëson midis Izraelit dhe Libanit, thuhet se arriti marrëveshje paraprake mbi marrëveshjen gjatë një vizite në Bejrut në fillim të kësaj jave.
Marrëveshja përfshin një zbatim më të gjerë të Rezolutës 1701 të Këshillit të Sigurimit të OKB-së, miratuar në vitin 2006, e cila kërkon tërheqjen e forcave të Hezbollahut nga kufiri libanezo-izraelit. Ai prezanton një mekanizëm ndërkombëtar për të mbikëqyrur rajonin dhe për t’u marrë me pretendimet për shkelje nga Izraeli ose Libani dhe thuhet se parandalon riarmatimin e Hezbollahut, që në mënyrë efektive do të thotë se grupi do të ndalohet të blejë mjete ushtarake.
Zyrtarët izraelitë i thanë Ynet se marrëveshja, nëse nënshkruhet, do fillonte me një armëpushim 60-ditor, kohë gjatë së cilës do ngrihej mekanizmi i ri për të mbikëqyrur rajonin.
