Një aksident me vdekje ka ndodhur në aksin Milot-Morinë, në territorin e Bashkisë Mirditë, ku një automjet përplasi për vdekje një këmbësor.
Policia bëri të ditur se ka arrestuar shtetasin Jeton Selimi, 24 vjeç, banues në Kosovë.
“Specialistët e Njësisë së Sigurisë Rrugore të Autostradës Milot-Morinë, bënë arrestimin e shtetasin J. S., 24 vjeç, banues në Kosovë, për veprën penale “Shkelja e rregullave të qarkullimit rrugor”.
Ky shtetas, pasditen e djeshme, duke drejtuar automjetin e tij në autostradën “Milot-Morinë”, në territor të bashkisë Mirditë, ka aksidentuar këmbësorin P. B., 57 vjeç, banues në Mirditë, i cili si pasojë e plagëve të marra ka humbur jetën” informoi sot policia.
