Me këngë të shenjta, kumbime këmbanash dhe marifete me lule, një prift hindu në fshatin e stërgjyshërve të Kamala Harrisit në Indinë jugore kreu lutjet të martën për fitoren e saj në zgjedhjet presidenciale në SHBA.
Ceremonia në tempullin në Thulasendrapuram, në shtetin Tamil Nadu, u organizua nga fshatarë vendas dhe në të morën pjesë më shumë se një duzinë prej tyre dhe disa turistë.
Gjyshi nga nëna i Harris, P.V. Gopalan lindi më shumë se një shekull më parë në Thulasendrapuram përpara se të emigronte në kryeqytetin e shtetit Chennai. Ai ishte një zyrtar i lartë i qeverisë në kohën kur doli në pension.
Pasi ndezi temjanin, prifti e përfundoi lutjen duke shqiptuar “Kamala Harris duhet të fitojë”, ndërsa u ofroi të pranishmëve pluhur vermiku dhe hi.
Në tempull, emri i Harris është gdhendur në një gur që liston dhurimet publike, së bashku me atë të gjyshit të saj. Jashtë, Arulmozhi Sudhakar, një politikan vendas, ngriti një pankartë të martën, duke i uruar “bijës së kësaj toke” sukses në zgjedhje.
“Ajo është një prej nesh. Ajo do fitojë,” tha Sudhakar, një përfaqësues i fshatit.
“Pasi ajo të fitojë, ne do të bëjmë lutje të veçanta (të mërkurën) dhe gjithashtu do të dhurojmë ushqim në tempull.”
Fshati mori vëmendjen globale katër vjet më parë, kur banorët e tij u lutën për fitoren e Partisë Demokratike të Harris në 2020 përpara se të festonin betimin e saj si zëvendëspresidente e SHBA-së, duke ndezur fishekzjarre dhe duke shpërndarë ushqime.
Lutjet në Thulasendrapuram të martën tërhoqën një grusht turistësh, duke përfshirë dy amerikane dhe një grua britanike të veshur me këmisha “Kamala Freakin Harris” dhe duke brohoritur “Para Kamala!”
Harris, e cila lindi nga një nënë indiane dhe një baba xhamajkan, që emigruan në Shtetet e Bashkuara për të studiuar, vizitoi Thulasendrapuram kur ajo ishte pesë vjeç dhe ka kujtuar shëtitjet me gjyshin e saj në plazhet e Chennai.
“Nëna ime, Dr. Shyamala Gopalan Harris, erdhi në Shtetet e Bashkuara nga India në moshën 19-vjeçare. Ajo më mësoi mua dhe motrën time, Maya, të jemi të guximshme dhe të vendosura.” – tha Kamala Harris në X të martën.
