Anija “Libra” ka mbërritur mëngjesin e sotëm në portin e Shëngjinit, duke transportuar 8 emigrantë, të cilët do t’i nënshtrohen procedurave të kontrollit në qendrën e Shëngjinit dhe më pas do të transferohen në kampin e Gjadrit. Anija, e angazhuar nga marina italiane, kishte në bord 6 shtetas egjiptianë dhe 2 të mbijetuar nga një anije e përmbytur në ujërat e Siçilisë, me origjinë nga Bangladeshi.
Fillimisht ishte planifikuar që të dërgoheshin 9 emigrantë, por njëri prej tyre, i moshuar dhe me shëndet të dobët, u gjykua se nuk mund të transportohej.
Gjyqtarët italianë kanë refuzuar ende transportimin e refugjatëve drejt Shqipërisë, pavarësisht një dekreti të qeverisë italiane që ka përcaktuar listën e vendeve të sigurta për strehimin. Në dërgesën e parë në Shqipëri, më 16 tetor, 16 emigrantë u transportuan, por 4 prej tyre u kthyen në Itali pasi ishin të mitur.
Vendimi për kthimin e disa refugjatëve në Itali u mor nga Gjykata e Romës më 18 tetor, duke urdhëruar rikthimin e 12 emigrantëve nga Egjipti dhe Bangladeshi që ishin strehuar në kampin e Gjadrit. Ata do të transportohen drejt portit të Barit në Itali pas përfundimit të procedurave.
