Bitcoin të dielën arriti një rekord të ri mbi 80,000 dollarë. Kriptovaluta më e madhe në botë u rrit në prag të zgjedhjeve presidenciale në SHBA të së martës dhe u rrit ndjeshëm menjëherë natën e zgjedhjeve pasi u bë e qartë se Donald Trump do fitonte dhe ka vijuar të rritet në ditët pas fitores së tij.
Bitcoin është rritur me 80% këtë vit. Pasi preku shkurtimisht pikën historike prej 80,000 dollarësh, bitcoin po tregtohej pak poshtë kësaj maje të dielën në mëngjes.
Industria e kriptove beson se fitorja e Trumpit është një shenjë e mirë për bitcoin dhe monedha të tjera dixhitale. Edhe pse Trump dikur ishte skeptik për bitcoin, ai ka përqafuar plotësisht kriptomonedhat muajt e fundit, ndryshe nga administrata Biden, që ka kërkuar t’i frenojë.
