Presidenti i sapozgjedhur Donald Trump ka filluar të zgjedhë njerëzit e ekipit të tij qeverisës që do vënë në zbatim politikat e tij “Amerika e para” në kufi, tregti, ekonomi dhe më tej.
Disa prej tyre ka të ngjarë të jenë shumë të ashpër ndaj Kinës, përkatësisht Senatori i sanksionuar nga Pekini Marco Rubio, i cili pritet të jetë Sekretar i Shtetit dhe kongresmeni Mike Waltz, si këshilltar për sigurinë kombëtare.
Më poshtë është një vështrim i shpejtë i disa prej emrave që Trump ka zgjedhur se do zgjedhë.
Marco Rubio, Sekretar i Shtetit
Rubio është një rival i dikurshëm i presidentit të zgjedhur Trump, i cili më vonë u bë një nga mbështetësit e tij më të mëdhenj në Senat.
Ai është gjithashtu një kritik i Kinës prej shumë kohësh. Rubios, teknikisht i është ndaluar hyrja në Kinë për shkak të sanksioneve. Rubio ka mbrojtur pozicionin e Trump për t’i dhënë fund të shpejtë luftës së Rusisë në Ukrainë, duke bërë thirrje për bisedime që mund të çojë në dorëzimin e territorit të pushtuar ukrainas te Rusia.
Mike Waltz, këshilltar për sigurinë kombëtare
Waltz është një ish-beretë e gjelbër (repart special) e ushtrisë dhe veteran i Afganistanit. Si kryetar i panelit të Komitetit të Shërbimeve të Armatosura të Kongresit, ai kritikoi Pentagonin për shumë çështje. Waltz ka shkruar se ai e sheh Kinën si një “kërcënim më të madh” për SHBA-në, më shumë se çdo komb tjetër.
Elise Stefanik, ambasadore në OKB
Trump e ka përshkruar Stefanik si “një luftëtar tepër të fortë, të ashpër dhe të zgjuar që mbështet moton “Amerika e para”.
Stefanik ishte ndër republikanët e Kongresit që votuan kundër vulosjes së fitores së Joe Biden në 2020 ndaj Trump dhe ishte anëtarja e parë e Kongresit që e miratoi Trump-in në kandidaturën e tretë për Shtëpinë e Bardhë.
Tom Homan, shefi i kufirit
Njeriu që Trump vendosi “në krye të të gjithë deportimit të të huajve të paligjshëm në vendin e tyre të origjinës” ishte fytyra publike e politikave të emigracionit “zero tolerancë” gjatë mandatit të parë të republikanëve.
Episodi prishi praktikën e mbajtjes së familjeve së bashku gjatë ndalimeve dhe dëbimeve, duke çuar në ndarjen e mijëra fëmijëve emigrantë pa dokumente nga anëtarët e familjes gjë që shkaktoi reagime të shumta.
Susie Wiles, shefe e stafit të Shtëpisë së Bardhë
Operativja politike republikane solli qëndrueeshmëri, rend dhe disiplinë financiare në fushatën e fundit, në krahasim me zgjedhjet e vitit 2016 dhe 2020, të cilat ishin shumë më të paqëndrueshme.
Ajo do bëhet gruaja e parë që do bëhet shefe e stafit dhe ka të ngjarë të ndihmojë në përcaktimin e strategjisë për 100 ditët e para të Trump në detyrë.
VINI RE: Ky material është pronësi intelektuale e Bloomberg
Përgatiti për Hashtag.al, Klodian Manjani
