Një aksident tragjik ka ndodhur rreth orës 05:30 në aksin “Tepelenë-Fier”, ku një çift bashkëshortësh kanë humbur jetën.
Raportohet se një autobot është përplasur me automjetin tip Ford ku udhëtonin dy viktimat.
Sipas policisë, drejtuesi i “Ford” me iniciale V. A., dhe bashkëshortja e tij, me iniciale M. A., pasagjere në automjet, humbën jetën në vendngjarje.
Ndërkohë drejtuesi i autobot, shtetasi me iniciale S. A., dhe pasagjerja që ndodhej në këtë automjet, shtetasja me iniciale A. A., ndodhen në spital për ndihmë mjeksore, jashtë rrezikut për jetën.
Njoftimi i policisë:
Fier/ Inforamcion paraprak
Rreth orës 05:30, në aksin rrugor “Tepelenë-Fier”, shtetasi S. A., duke drejtuar automjetin tip autobot, ka përplasur automjetin tip “Ford”, me drejtues shtetasin V. A..
Nga përplasja kanë humbur jetën në vendngjarje drejtuesi i automjetit tip “Ford”, shtetasi V. A., dhe pasagjerja që ndodhej në këtë automjet, shtetasja M. A., (bashkëshortja e shtetasit V. A.).
Drejtuesi i automjetit tip autobot, shtetasi S. A., dhe pasagjerja që ndodhej në këtë automjet, shtetasja A. A., ndodhen në spital për ndihmë mjeksore, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
