Presidenti italian Sergio Mattarella qortoi Elon Musk për kritikimin e politikave të Italisë për emigrantët, duke thënë se Italia “mund të kujdeset për veten”.
Musk kundërshtoi vendimin e gjyqtarëve italianë për të pezulluar planin 850 milionë dollarësh të kryeministres Giorgia Meloni për transferimin e emigrantëve në Shqipëri, duke kërkuar largimin e tyre.
“Këta gjyqtarë duhet të largohen”, shkroi Musk.
Ndërsa nuk e përmendi me emër manjatin e teknologjisë, Mattarella e bëri të qartë se ai i referohej Musk, duke shkruar se “duhet të respektojë sovranitetin e të tjerëve dhe nuk mund t’i atribuojë vetes detyrën e dhënies së recetave”.
Musk lëshoi një përgjigje përmes përfaqësuesit të tij italian, duke shprehur “respekt” për Mattarella dhe Kushtetutën e Italisë, por duke rikonfirmuar synimin e tij për të “vijuar të shprehë lirisht mendimet e tij”.
