Donald Trump ka emëruar RFK Jr për të udhëhequr Departamentin e Shëndetësisë dhe Shërbimeve Njerëzore në administratën e tij të dytë të Shtëpisë së Bardhë, tha ai në një postim në platformën e tij “Truth Social”.
Vaksino-skeptiku kandidoi si i pavarur në fushatën presidenciale të vitit 2024 përpara se të mbështeste Trumpin.
“Jam i emocionuar të shpall Robert F. Kennedy Jr si Sekretarin e Shëndetësisë dhe Shërbimeve Njerëzore të Shteteve të Bashkuara (HHS).
Për një kohë të gjatë, amerikanët janë shtypur nga komplekset industriale të ushqimit dhe kompanitë e barnave që janë përfshirë në mashtrime, dezinformata kur bëhet fjalë për Shëndetin Publik.
Siguria dhe shëndeti i të gjithë amerikanëve është roli më i rëndësishëm i çdo administrate dhe HHS do të luajë një rol të madh për të ndihmuar që të gjithë të mbrohen nga kimikatet e dëmshme, ndotësit, pesticidet, produktet farmaceutike dhe aditivët ushqimorë që kanë kontribuar në kriza dërrmuese shëndetësore në këtë vend.
“Z. Kennedy do t’i rivendosë këto agjenci në traditat e Kërkimit Shkencor të Standardit të Artë dhe fenerët e transparencës, për t’i dhënë fund epidemisë së Sëmundjeve Kronike dhe për ta bërë Amerikën përsëri të madhe dhe të shëndetshme!”-shkruan Trump.
