Gazetarja e Klan News, Glidona Daci është nderuar me çmimin “Raportimi më i mirë i vitit 2024”. Çmimi i është dhënë nga “Unioni i Gazetarëve Shqiptarë”, ku Daci cilësohet një gazetare e përkushtimit për raportim të kujdesshëm dhe me risqe.
“Çmimi “raportimi më i mirë i vitit” i jepet gazetares Glidona Daci. Gazetare e përkushtimit për raportim të kurajshëm dhe me risqe. Raportimet e saj për veprimtarinë e strukturave kriminale dhe krimin e organizuar shënojnë rastin e kurajshëm të gazetares profesioniste të kronikës”, thuhet në çmimin me të cilin “Unioni i Gazetarëve Shqiptarë” ka nderuar gazetaren e Klan News.
Glidona Daci është shprehur e lumtur për çmimin, të cilin e ka quajtur edhe meritë të kolegëve të redaksisë Klan News për bashkëpunimin në këto 4 vite.
“Faleminderit të gjithë kolegëve të redaksisë së Klan News për bashkëpunimin në keto 4 vite. Ky çmim është edhe meritë e tyre”, thotë gazetarja Daci.
