Një gjykatë e lartë pakistaneze ka dhënë lirimin me kusht për ish-kryeministrin e burgosur të vendit, Imran Khan, në një rast korrupsioni, si dhe urdhëroi lirimin e tij, transmeton Anadolu.
Khan, së bashku me gruan e tij Bushra Bibi, akuzohen për blerje dhe shitje të paligjshme të dhuratave të huaja. Të dy i mohojnë akuzat.
Tashmë Bushra Bibi është liruar me kusht për rastin që akuzohet.
Pavarësisht urdhrave për lirim, është e paqartë nëse ish-kryeministri Khan do të lirohet pasi ai kërkohet për një sërë çështjesh të tjera, duke filluar nga korrupsioni deri te terrorizmi.
