Bosch, furnizuesi më i madh në botë i pjesëve të makinave, do ulë orët e punës dhe pagën e rreth 10,000 punonjësve në Gjermani, duke shkuar përtej pakësimeve të paralajmëruara më parë dhe përveç mijëra shkurtimeve të vendeve të punës të shpallura të premten.
Në shenjën e fundit të sfidave me të cilat përballet sektori i automobilave në Gjermani për shkak të kërkesës së dobët dhe konkurrencës nga rivalët më të lirë kinezë, Bosch kishte thënë të premten se do shkurtonte deri në 5,550 vende pune, një ditë pasi tha se do shkurtonte orët e punës për 450 punonjës.
Stafi kryesisht me kontrata 38 ose 40 orëshe në vendet përreth Gjermanisë do pakësohet në 35 orë, tha një zëdhënës të shtunën, duke konfirmuar një raport nga agjencia e lajmeve dpa.
Ngadalësimi në sektorin gjerman të makinave ka tronditur gjithashtu Volkswagen, e cila është në një mosmarrëveshje të përshkallëzuar me punëtorët për planet për mbylljen e fabrikave në Gjermani, dhe Mercedes, e cila është zotuar të bëjë shkurtime më të ashpra për uljen e kostove.
