Kreu i Partisë së Lirisë Meta ka përshëndetur nga qelia lirimin e kreut të PD-së Berisha pas vendimit të sotëm nga Gjykata e Posaçme ndërsa shkruan se desorosifikimi i drejtësisë dhe shoqërisë është emergjencë kombëtare.
Meta thekson se ka qenë i bindur dhe kambajtur qëndrim për shpalljen e Berishës “non grata” nga DASH teksa shton se një masë e tillë është hartuar nga kryeministri Rama, nga George Soros e nga ish-agjenti i dënuar i FBI-së Charles McGonigal.
“Përshëndetjet më të përzemërta për liderin e Partisë Demokratike, Prof. Dr. Sali Berisha dhe urime për të gjithë qytetarët që duan dhe meritojnë një shtet të së drejtës! Në veçanti, dua të përshëndes Prof. Dr. Berishën me deklaratën time, si President i Republikës, të bërë më 22 maj 2021, kur ai u shpall “non grata”, sepse gjithmonë kam qenë i bindur se ajo fletërrufe u hartua kundër tij nga Edi Rama, Sorosi, Charles McGonigal, Rossini dhe Mcgonigalët e tjerë për të shkatërruar pluralizimin politik për qëllime korruptive dhe helmuar marrëdhëniet mes Shqipërisë dhe SHBA. Mirënjohje të jashtëzakonshme edhe për Gjykatën e Strazburgut, që si asnjëherë tjetër, e ka klasifikuar rastin “Berisha” si “leading case”, pra të rëndësishëm dhe e kanë komunikuar shumë shpejt këtë njoftim, pa pritur shterim të gjykatave të brendshme. Desorosifikimi drejtësisë dhe shoqërisë tonë është një emergjencë kombëtare për të rivendosur shtetin e së drejtës dhe mbrojtur interesat kombëtare.” – shkruan Meta.
