Ajo që cilësohet si depozita më e madhe e arit në botë është gjetur në Kinë, tha gazeta shtetërore Xinhua news. Rezervat e arit janë me vlerë 600 miliardë juanë, sipas Reuters, që arrijnë në 83 miliardë dollarë amerikanë.
Zbulimi u bë nga gjeologët e Institutit Gjeologjik Hunan rreth 12 milje nën sipërfaqe në kontenë Pingjiang, raportoi Xinhua. Zona e zbulimit të 40 venave të xehes së arit me gjithsej 300.2 ton burime ari njihet si fusha e arit Wangu.
Akademia e Gjeologjisë Hunan parashikoi se kishte më shumë se 1,000 ton rezerva ari në një thellësi mbi 3,000 metra, sipas Xinhua.
Kina është prodhuesi më i madh në botë i arit, që përbën rreth 10% të prodhimit global në vitin 2023, treguan të dhënat nga Këshilli Botëror i Arit.
Para zbulimit, titullin si rezerva më e madhe e arit në botë e mbante miniera e arit South Deep në provincën Gauteng të Afrikës së Jugut. Ajo mban rreth 930 ton ar.
Në tetor, çmimet për kontratat e arit ishin rritur mbi 32% nga viti i shkuar deri sot dhe më shumë se 38% në vitin e kaluar, duke vendosur një sërë nivelesh të reja të larta të të gjitha kohërave.
Një ons ar aktualisht shitet për gati 2674 dollarë.
Investitorët i janë kthyer arit si një strehë e sigurt nga një sërë rreziqesh gjeopolitike gjatë vitit të kaluar, duke përfshirë luftërat e vijueshme në Lindjen e Mesme dhe Ukrainë.
